صغيرة وما تعرف تحب للشاعر العراقي فرات الشمري القيت في حفل تخرج قبل تقريبا أكثر من30 سنه صغيره وما تعرف تحـــب .. ولا دغـدغ گلبها الشــــوگ خفيفة بشط هواها تروح و دومها تعاتت اويه الموج صغـــــــيره وحســـــرتي چبــــــيره .. يا صاحبي ما أظنها تفّل ولا اظن تحصل اليشتل تصــد مــرّه وأعاتبــها .. تراضيني وترد تجفــــل لا غلطه بدت مني ولا كلمه گلت عنها ولا عني أهيم وما أگول أرجع .. تجي يمّي وتچابسـني أنام وحتى ساعه أهجع .. تجي بطيفي وتفززني وأحس بحرگه بضلوعي .. وتضل تدني وحنيني يصب وأگول هذي هم قسمه .. صغيره وما تعرف تحب كثيره أيام يا ناس وآنا هالحاير .. لا شوره تدليني ولا شاير واشوف الناس كلها عـزاز .. وآنـــــــا وحيـــد هم بايــــــر اشـــجاني واشحصلت منـــــها ؟ أوادم وشت عليّ .. مثل ما وشـــت عليها ؟ لا ماكو عواذل .. العواذل ما تحاچيـــها !! عرفته اللي كــان واشـــيها .. !!! ولك يا صويحبي ؛استاذي يحـوم ويـدور عليها تحاچيه ويحاچيها .. تناغيــه وينــاغيها أگول يا صاحبي اسندني أشوف الدنيا تتل بيني وأتل بيها وإلله استادنا ريّض .. يگــــول هالنـاس شعليها حســــافة اســـتاد .. چنك ما دريت بحسبتي وياها حســــافه اســــتاد .. گلبي اللي هواها شلون ينساها شـــگول عليك يا استاذي .. شــريد أدعي ؟ عسى انك بيش بالحسرة التحز بكَليبي وبضلعي بالعبرة التسیيّل عالوجن دمعي بالضحكات بالچلمات علمعبر نار وبالضلع تسعر عسى انك بيش يملذون يلن كل چلمة بالدفتر تذكرني هواك اكثر واذكرنهة احبنهة وحگ عيناك يا استادي وعلي الشرجي احبنهة انشد عليك أبو حزامين لا توصل بعـــد يمها شـــتريد انطيـــك شـــهديلك ..؟ الك گلبي وگــلبي عوسج ابهمها الك روحي وانت الروح ظالمها تريض وانعل الشيطان .. واسمع نخوة افادي لو هذا الحچيته وياك ما ينحاچ يا استادي خل يشهد علي الهــادي(ع) احرم عليك حتى طبة النادي وشحدهة وتگلك طب صغيرة وما تعرف تحب اشوف الناس كلهة الناس تركض ع لسراب تگول هذا المي وما مش ماي وانا عليمن اگنطر داي فوگ الداي ولفي وما يهمة بچاي لکن انا يا بعد چلاي موش استاذ ولا بيدي امر ذيچ وهاي وما اگدر انجحنها لو سـاعه اضحكت ويــاي ولا أگدر اسقطنها إن صــدت تـريد جفـــــاي انا منين أجيب الشهادة منين وارضي بيها هواي وأنا حسره عليّ يا استادي شربة الچاي بس عندي كَليب يا محلاه .. ألف حسره تحس بچلاه وعندي ترگه من بقايا الروح كثيره جروح وتصيح الدّاد ما جاني برگبتك يا استاد جرحي ما يلفه ضماد .. ولا اظن قصتي على البشر تنعاد هذي قسمتي من الله مو من واحد واعتب .. صغيرة وما تعرف تحب رد الاستاذ: عيش ابخت واحچي ابخت وبوگ ابخت مگرود يالمالك بخت صدگ يالتنشد عليها ودمع عينك حرام يصب صدگ يا فلان زعطوطة صغيرة وما تعرف تحب صغيرة ولعبت علية صغيرة وعذبت كَلبي شفتها ابدرسي مو راحة تصد عين وترد تربي تشيل اصبعها بالعمدا .. شحلاة اصبعها يسبيني واحس بدمها اليدبي واجاوبها وترد تسال واشوف منادس الحلوات ياذيني واحاچيها واگول لگيت مگصودي شحلاة الرد تگد ايدي وتسليني شسولفلك اخاف تطول سالفتي على ساعة لان غرگان ابعواطفها احبچ گالت حبيب اريدچ گالت اتدلل احب ذبة سوالفها اگلها شلون وانة استاد اگلهة شلون اطب للصف اخاف حجاية العذال لو واحد يخالفها يا عيب العيب گالت غصبا على الناس احبك واعبد الدفتر اريدك واعشگ الچلمة التوالفها مشيت برجل تستاهل الجنة اثاريها بکبرها تطب صدگ يلتنشد عليها ودمع عينك عليها يصب صدگ يا فلان زعطوطة، صغيرة وما تعرف تحب عليمن تنخة ابو حزامين وتهدد بعلي الشرجي وعلي الهادي وتريد تحرمني غصب من طبة النادي يا حيف عليك وانت مشورب و راهي ويگولون الفهم عندك ولك وين الفهم باليفرض بروحة على محبوبة ؟؟ الفهم يا فلان من يعرف معاني الحب على دروبة العشگ يا فلان روحين وسط الريح مصلوبة العشگ رد وبدل يا فلان لو بالگوة چان صار العشگ طوبة .. اعاتب .. والعتب ياذيني ويذبني اعاتب لجل عينك مو لجل وحدة تعذبني ترة انه هم مثلك ظليت مدوهن و حاير انة الظليت ارد للضيم چبحاتة انة الظليت ذاك الگال لا ردنة ابو عليوي ولا بينت مسحاتة رد الطالبة : چبيرة انة چبيرة وعدكم صغيرة صغير الماعرف امرة وتدابيرة صغير الوگع حظة وبگه بحيرة ولك والحبوو يگولون ؟ لو مال الغصن حدره يا طير اطفر لغيرة چبيرة انة چبيرة وعدكم صغيرة صغير انته .. صغير وماتعرف تحب نسيت شلون اتلگاك من تچهب هنا ية لاهي وماعرفت اشلون تلهة هنا ية ساهي وما حسبت حسابك الهة ساعة الگيك يم سوسن ساعة الگيك يم زهرة تعال اگرب اعتبنك ولو مرة تعال اگرب تعناني اشوفك جرحك اشكبره تعال وصير عطابة تعال وچم تعال وما نفع وياك وانت على ضحچات العليلة شلون مسترطب هذا انت وتگلي صغيرة وما اعرف الحب ؟؟ شنهو الحب ؟؟ شتريد تگول .. شتوصفة ؟ المخلص يجيب الماي من الغيم لو لحظة عطش ولفة لا تطري دروب الحب عليك محرمة كلفة ادري بك طري ذبلان ادري بيك شبه سعفة تميل وية الهوة لو مال ماريدك بعد حيال ظل اسمع حچي العذال واشبع لوم كلمن گال المايعرف تدابيرة حنطتة تاكل شعيرة چبيرة انا چبيرة وعدكم صغيرة هذي قصتي وية فلان .. لاچن دشوف اشچان استادي يصول,يجول,يدور ابحومة الميدان يعض اصبع,يظل سهران .. عليمن ؟؟ شنهو البدر مني و بان يا ناس اسمعوا قصتي شلت ايدي لجل فهم الدرس مو لجل حرشة غايتي وجيتك مرة لو مرتين للغرفة مرة توصفلي طريج الحل مرة مدري اشچانت الوصفة يا عيب العيب تحسبهة سوالف شوگ و لهفة خلف الله على الدلاك عايزهة بعد زفة حرت انة يا هل وادم بين استادي والطالب من مثلي على الصوبين دتحارب بعت انت وشريت النوم ولا فد يوم اريد الناس ينسوني اريدن تغمض جفوني حيرانة الدرب دلوني لا يوم اليمر يومي مو راح اشگن هدومي يا ربي شلون هلحيرة چبيرة انة چبيرة وعدكم صغيرة
